Mwanamke mmoja aliyejulikana kwa jinala Shakila Bakari (30),mkazi wa
Mbagala jijini Dar, ametoa madai mazito kuwa manesi wa hospitali moja
(jina linahifadhiwa) iliyopo Mbagala wamemuiba mmoja wa watoto wake
wawili aliojifungua Machi 28, mwaka huu.
Akizungumza na gazeti la Ijumaa juzi, Shakila alisema siku ya tukio majira
ya saa 6 mchana,alijifungua mtoto wake wa kwanza,lakini kukatokea
hitilafu ndogo ya mwanaye huyo kukatwa kidogo na mkasi uliosababisha
jeraha kwenye paji la uso.
“Waliniambia walimgusa kidogo kwa bahati mbaya na mkasi, lakini
wakasema hakuna tatizo, waliniwekea kifuani na damu ikawa imenivujia
kidogo, baadaye nilijisikia uchungu tena, manesi wakamtoa mtoto yule
kifuani kwangu ili nipate nafasi ya kujifungua tena, nilipojifungua
walinionyesha motto wa kiume,” alidai mama huyo.
Shakila alidai kuwa, tofauti na matarajio yake, alikabidhiwa mtoto
aliyejifungua wakati huo huku Yule wa mwanzo akipewa maelezo
yasiyoeleweka. “Niliwashangaa manesi. Waliponiona sibabaiki kuhusiana na
mtoto wangu ndipo wakaniletea mtoto mwingine wakidai kuwa ndiye huyo.
Nilipomchunguza nilibaini kuwa alikuwa wa kiume wakati mimi nilimzaa wa
kike, halafu huyu niliyeletewa hakuwa na kijereha.
”Baada ya kumkataa mtoto huyo, Shakila alidai manesi waliondoka na
kichanga kile na katika hali ya kushangaza, walisimamia kauli yao ya
awali kuwa hakuzaa motto mwingine zaidi ya huyo aliyekuwa naye.
Dada wa Shakila aliyejitambulisha kwa jina la Sikujua Bakari
alisemawakati mdogo wake akijifungua yeye pamoja na shemeji yake (mume
wa Shakila) hawakuruhusiwa kuingia ndani, lakini baada ya kujifungua
walikwenda kumuona akiwa na mtoto mmoja wa kiume, walipompa pongezi
walipatwa na mshangao.
0 comments:
Post a Comment